我的愛情經歷 (一)

小女第一次寫關於自己嘅blog, 想大家先了解一下本人, 所以想先講一下我嘅愛情經歷

大約係form 3, 4咁上下, 上網打機識左個台灣人

我從來都唔係一個健談嘅人, 只喜歡用文字表達自己

但就正正因為咁, 佢俾我"吸引"左

"為什麼你會想我當你婆?"

"因為你都不說話, 我很好奇, 想去認識你"

而家諗返, 可能只係佢溝女嘅方法

因為我只係佢嘅第2人選

係佢問我做唔做佢"老婆"之前, 佢原來都有問我朋友...

當時應承佢嗰陣乜都唔知, 亦都冇諗過會認真

只係想打機嘅時候可以有個人"照應"下, 唔洗自己出錢買裝

但有啲野真係控制唔到...

慢慢慢慢俾左少少感情, 然後就不能自拔

當時愛得如火如荼, 仲好天真咁想去台灣讀書搵佢, 甚至想同佢一齊生活

佢大我好多, 又冇乜錢, 但我完全冇介意到

"只有你一個來了會很辛苦, 這裡找工作很困難"

"我不介意吃麵包的 XD"

係... 真係好天真

當時我仲用緊我老豆部電腦, 我傻到將我同佢係game入面嘅合照做左電腦wallpaper

仲傻到因為佢冇錢, 所以偷偷地寄錢俾佢

最傻嘅係, 我冇掉到啲單